మీరు మ్యూచువల్ ఫండ్స్లో ఇన్వెస్ట్ చేయాలనుకుంటున్నారా? కొత్త ఫండ్స్ కోసం వేచి ఉన్నారా? అయితే ఈ వారం కొత్తగా 7 మ్యూచువల్ ఫండ్ పథకాలు లాంచ్ అవుతున్నాయి. అందులో ప్రధాన ఆకర్షణగా నిలుస్తోంది టాటా ఇండియా ఇన్నోవేషన్ ఫండ్. ఆ తర్వాత సామ్కో అర్బిట్రేజ్ ఫండ్, యూటీఐ నిఫ్టీ ఆల్ఫా లో వొలాటిలిటీ 30 ఇండెక్స్ ఫండ్, యూటీఐ నిఫ్టీ మిడ్ క్యాప్ 150 ఇండెక్స్ ఫండ్ సబ్స్క్రిప్షన్ ఇప్పటికే ఓపెన్ అయింది. నిప్పాన్ ఇండియా నిఫ్టీ రియాల్టీ ఇండెక్స్ ఫండ్, నిప్పాన్ ఇండియా నిఫ్టీ ఆటో ఇండెక్స్ ఫండ్, ఆదిత్య బిర్లా ఎస్ఎల్ ఇండియా ఇన్ఫ్రాస్ట్రక్చర్ ఇండెక్స్ ఫండ్ సబ్స్క్రిప్షన్ ఈ వారంలోనే మొదలు కానుంది. ఈ 7 న్యూ ఫండ్ ఆఫర్స్లో 5 ఇండెక్స్ ఫండ్స్, ఒక థెమాటిక్ ఫండ్, ఒక ఆర్బిట్రేజ్ ఫండ్ ఉన్నాయి.
టాటా ఇన్నోవేషన్ ఫండ్..
టాటా ఇండియా ఇన్నోవేషన్ ఫండ్ అనేది ఒక ఓపెన్ ఎండెడ్ ఈక్విటీ ఇన్ఫోవేషన్ థీమ్ స్కీమ్. ఈ కొత్త ఫండ్ సబ్స్క్రిప్షన్ నవంబర్ 25వ తేదీ వరకు అందుబాటులో ఉంటుంది. ఆ తర్వాత డిసెంబర్ 5వ తేదీ నుంచి రిటైల్ ఇన్వెస్టర్లకు అందుబాటులోకి వస్తుంది. ఈ స్కీమ్ బెంచ్మార్క్ నిఫ్టీ 500 టీఆర్ఐగా ఉంటుంది. ఇందులో లంప్సమ్ పెట్టుబడి కనీసం రూ.5 వేలుగా ఉండాలి. అదే సిస్టమాటిక్ ఇన్వెస్ట్మెంట్ ప్లాన్ (SIP) ద్వారా అయితే నెలకు రూ.100 ఉన్నా సరిపోతుంది. ఆ తర్వాత ఎంతైనా ఇన్వెస్ట్ చేయవచ్చు.
సామ్కో ఆర్బిట్రేజ్ ఫండ్ అనేది ఓపెన్ ఎండెడ్ స్కీమ్. ఆర్బిట్రేజ్ ఆపర్చ్యూనిటీస్లో ఇన్వెస్ట్ చేస్తుంది. ఈ స్కీమ్ సబ్స్క్రిప్షన్ నవంబర్ 20 వరకు అందుబాటులో ఉంటుంది. ఇందులో లంప్సమ్ కనీస పెట్టుబడి రూ.5 వేలు, సిప్ పెట్టుబడి రూ.500గా ఉంది. ఇక యూటీఐ నిఫ్టీ ఆల్ఫా లో వొలాటిలిటీ 30 ఇండెక్స్ ఫండ్ అనేది సైతం ఓపెన్ ఎండెడ్ స్కీమ్. ఈ స్కీమ్ సబ్స్క్రిప్షన్ నవంబర్ 25 వరకు అందుబాటులో ఉంటుంది. ఇందులో కనీస పెట్టుబడి రూ.1000, రూ.500 సిప్ గా ఉంది. ఇక యూటీఐ నిఫ్టీ మిడ్ క్యాప్ 150 ఇండెక్స్ ఫండ్ సబ్స్క్రిప్షన్ నవంబర్ 25 వరకు ఉంటుంది. ఇందులోనూ కనీస పెట్టుబడి సిప్ అయితే రూ.500, లంప్సమ్ రూ.1000గా ఉన్నాయి.
నిప్పాన్ ఇండియా నిఫ్టీ రియాల్టీ ఇండెక్స్ ఫండ్ ఒక ఓపెన్ ఎండెడ్ స్కీమ్. ఈ కొత్త స్కీమ్ సబ్స్క్రిప్షన్ నవంబర్ 14న మొదలై నవంబర్ 28 వరక అందుబాటులో ఉంటుంది. ఇందులో కనీస పెట్టుబడి రూ.1000, సిప్ అయితే రూ.100గా నిర్ణయించారు. ఇక నిప్పాన్ ఇండియా నిఫ్టీ ఆటో ఇండెక్స్ ఫండ్ ఒక ఓపెన్ ఎండెడ్ స్కీమ్. ఈ స్కీమ్ సబ్స్క్రిప్షన్ నవంబర్ 14న మొదలై నవంబర్ 28తో ముగుస్తుంది. ఇందులో కనీస పెట్టుబడి రూ.1000, రూ.100గా ఉన్నాయి. ఆదిత్య బిర్లా ఎల్ఎల్ బీఎస్ఈ ఇండియా ఇన్ఫ్రాస్ట్రక్చర్ ఇండెక్స్ ఫండ్ సైతం ఒక ఓపెన్ ఎండెడ్ ఇండెక్స్ ఫండ్. ఈ స్కీమ్ సబ్స్క్రిప్షన్ నవంబర్ 14-28 మధ్య ఉంటుంది. కనీస పెట్టుబడి లంప్సమ్ అయితే రూ.500, సిప్ అయితే రూ.100గా నిర్ణయించారు.
