మైండ్‌-బ్లోయింగ్ రిటర్న్స్.. స్టాక్ అంటే ఇదే.. లక్ష పెట్టుబడితో మూడేళ్లలోనే చేతికి రూ. కోటి!

మల్టీబ్యాగర్ స్టాక్ మెర్క్యురీ ఈవీ టెక్ లిమిటెడ్ (mercury-ev-tech-limited).. మార్కెట్లు ఎన్ని ఒడుదొడుకుల్ని ఎదుర్కొంటున్నప్పటికీ ఈ స్టాక్ మాత్రం కాసుల పంట పండిస్తూనే ఉంది. జెమ్ మాదిరిగా రిటర్న్స్ అందిస్తుంది. స్థిరంగా రిటర్న్స్ అందిస్తుండటం విశేషం. ఈ ఎలక్ట్రిక్ వెహికిల్ మాన్యుఫ్యాక్చరర్ 2022 నుంచి దూసుకెళ్తూనే ఉంది. ఆ సమయంలో కేవలం 85 పైసలుగా ఉన్న ఈ స్టాక్.. ఇప్పుడు చూస్తే రూ. 85 లెవెల్స్ దాటి ట్రేడవుతోంది. దీంతో ఏకంగా 9900 శాతం రిటర్న్స్ అందించిందని చెప్పొచ్చు. అంటే.. పెట్టుబడి పరంగా చూస్తే.. మూడేళ్ల కిందట 2022లో రూ. లక్ష పెట్టుబడి పెట్టిన వారి చేతికి రూ. కోటి అందిందని చెప్పొచ్చు.

కంపెనీ మంచి వార్షిక ఫలితాలు సాధిస్తున్న నేపథ్యంలోనే ఇలా ఇన్వెస్టర్లు నమ్మకంతో షేర్లను కొనుగోలు చేస్తున్నట్లుగా నిపుణులు అభిప్రాయపడుతున్నారు. 2022 క్యాలెండర్ ఇయర్‌లోనే ఈ స్టాక్ 1300 శాతం రిటర్న్స్ అందించింది. తర్వాతి సంవత్సరం అంటే 2023లో 897 శాతం పుంజుకుంది. కంపెనీ మార్కెట్ విలువ ప్రస్తుతం రూ. 1.62 వేల కోట్లుగా ఉంది. స్టాక్ 52 వారాల గరిష్ట ధర రూ. 139.20 కాగా.. కనిష్ట ధర రూ. 64.32 గా ఉంది. గతేడాది సెప్టెంబరులోనే ఈ గరిష్టాల్ని తాకింది. తర్వాత కాస్త తగ్గింది. ఈ స్టాక్ ఇంకా లాంగ్ రన్‌లో ఐదేళ్ల వ్యవధిలో ఏకంగా 23 వేల శాతానికిపైగా రిటర్న్స్ అందించింది. ఈ సమయంలో ఐదేళ్ల కిందట లక్ష ఇన్వెస్ట్ చేసిన వారికి ఏకంగా రూ. 2.3 కోట్లకుపైగా వచ్చిందని చెప్పొచ్చు.

స్టాక్ మార్కెట్లలో ఇన్వెస్ట్ చేయడం.. బిజినెస్‌లో ఇన్వెస్ట్ చేయడం ఒకటే అన్నట్లు ఉంటుంది. పెట్టుబడి పెట్టాలి. ఓపిక ఉండాలి. ఆర్థిక క్రమశిక్షణ పాటించాలి. రిటర్న్స్ వాటంతటవే వస్తుంటాయని నిపుణులు చెబుతుంటారు. మార్కెట్లను జాగ్రత్తగా గమనిస్తూ.. ఆయా కంపెనీల ఫలితాలు, ప్రణాళికలు, పెట్టుబడి వ్యూహాలు, ఒప్పందాలు, ప్రకటనలు ఇలా అన్నీ గమనిస్తూ.. నిపుణల నుంచి సలహాలు తీసుకొని ఇన్వెస్ట్ చేయడం ద్వారా దీర్ఘకాలంలో మంచి రిటర్న్స్ పొందే అవకాశం ఉంటుంది. కొన్ని స్టాక్స్ ఊహించని విధంగా మల్టీబ్యాగర్ రాబడులు కూడా అందిస్తుంటాయి. షేరు అసలు విలువకు ఎన్నో రెట్లు పెరిగితే.. దానిని మల్టీబ్యాగర్ స్టాక్స్ అంటారు. ఇలాంటివి మార్కెట్లో చాలానే ఉంటాయి. అయితే వాటిని గుర్తించడమే కాస్త కష్టంగా ఉంటుంది. మార్కెట్లను ఎప్పటికప్పుడు గమనిస్తూ.. మంచి స్టడీ చేస్తే వీటిని కనిపెట్టేయొచ్చు. ఇక వీటిల్లో ఒక్కసారి ఇన్వెస్ట్ చేస్తే.. లాంగ్ రన్‌లో దశ తిరిగినట్లేనని నిపుణులు ఎక్కువగా చెబుతుంటారు.