ప్రస్తుత కాలంలో యువత ఉద్యోగాల కంటే వ్యాపారం చేయాలని ఆలోచిస్తున్నారు. ఇలా చాలామంది యువకులు వివిధ వ్యాపారాల్లో అడుగుపెట్టి సక్సెస్ అందుకున్నారు. అలాంటి వారిలో ఒకరు మహారాష్ట్రలోని జల్నా నగరానికి చెందిన సునీల్ పద్మాకర్ మిసల్. ఇతడు తన ఆటోమొబైల్ ఇంజనీర్ ఉద్యోగాన్ని వదిలి తన కాళ్ళ మీద నిలబడాలని నిర్ణయించుకున్నాడు. ఫుడ్ వ్యాన్ ద్వారా స్వయం ఉపాధిని ఎంచుకున్నాడు. అతని ఫుడ్ వ్యాన్‌లో లభించే రగ్దా, భేల్, చాట్ భండార్, బాసుండి టీలను ప్రజలు ఎంతగానో ఆదరిస్తున్నారు. నెలకు రూ.60వేలు సంపాదిస్తున్నారు.
సునీల్ పద్మాకర్ ..పని మీద పూణే, ముంబై వెళ్లాల్సి రావడంతో, రోడ్డు మీద ఆపి ఉంచిన ఫుడ్ వ్యాన్ల వైపు చూశాడు. అతను ఈ ఫుడ్ వ్యాన్‌ను జల్నా నగరంలో కూడా ప్రారంభించాలని నిర్ణయించుకున్నాడు. దీని కోసం ఒక వాహనాన్ని అద్దెకు తీసుకున్నారు. అలా వచ్చిన డబ్బుతో ఆ వాహనాన్ని అలంకరించి ఫుడ్ వ్యాన్‌గా మార్చారు. ఈ వ్యాన్ పర్యావరణ అనుకూలమైనది. వ్యాన్లలో సౌరశక్తి వ్యవస్థలను అమలు చేశారు.
మిసల్ ఆటోమొబైల్ ఇంజనీరింగ్‌లో తన విద్యను పూర్తి చేశాడు. జల్నా నగరంలోని మోతీ బాగ్ సమీపంలోని పాత విశ్రాంతి గృహం ముందు యష్ ఫుడ్స్ పేరుతో సునీల్ మిసల్ తన వ్యాపారాన్ని ప్రారంభించాడు. ఈ వ్యాన్ కస్టమర్ల దృష్టిని ఆకర్షించింది. భేల్, రాగ్డా, పటీస్, మిక్స్‌డ్ సమోసాలు, చాట్ భండార్ వంటి తాజా వంటకాలను స్వయంగా తయారు చేసి మా కస్టమర్లకు అందిస్తున్నామని, రుచికరమైన ఆహారం కారణంగా కస్టమర్లు తరలి వస్తున్నారని సునీల్ మిసల్ అన్నారు. తన ఫుడ్ వ్యాన్‌లో ముంబై-పూణే వంటకాల రుచి లభిస్తుందని ఆయన చెబుతున్నారు. మరాఠ్వాడాలో మొదటి ఫుడ్ వ్యాన్‌ను తాను సిద్ధం చేశానని అన్నారు. ఈ వ్యాపారంతో ప్రతిరోజూ 4 నుంచి 5 వేల రూపాయలు సంపాదిస్తున్నాడు. మిసల్ నెలకు రూ.60,000 నికర లాభం సంపాదిస్తున్నట్లు తెలిపారు.
