టాటాల నుంచి మరో కొత్త స్కీమ్.. నేటి నుంచే షురూ..

రూ.5 వేలు ఉంటే చాలు!

(మార్కెట్‌కబుర్లు, హైదరాబాద్‌)
ఇటీవలి కాలంలో మ్యూచువల్ ఫండ్స్‌లోకి భారీగా పెట్టుబడులు వస్తున్నాయి. వివిధ రకాల ఫండ్స్ హై రిటర్న్స్ ఇస్తున్న క్రమంలో వీటిల్లో ఇన్వెస్ట్ చేసేందుకు మదుపరులు మొగ్గు చూపుతున్నారు. దీంతో అసెట్‌మెనేజ్మెంట్ కంపెనీలు సైతం ఎప్పటికప్పుడు మార్కెట్ పరిస్థితులకు అనుగుణంగా కొత్త కొత్త ఫండ్స్ అందుబాటులోకి తెస్తున్నాయి. ఈ వారం సైతం  న్యూ ఫండ్ ఆఫర్ లో భాగంగా టాటా మ్యూచువల్ ఫండ్ కొత్త ఫండ్ అందుబాటులోకి తెచ్చింది. అదే టాటా బీఎస్ఈ సెలెక్ట్ బిజినెస్ గ్రూప్స్ ఇండెక్స్ ఫండ్ డైరెక్ట్ ప్లాన్ (Tata BSE Select Business Groups Index Fund Direct). ఈ స్కీమ్‌లో ఇన్వెస్ట్ చేసేందుకు కొద్ది రోజులు మాత్రమే అవకాశం ఉంటుంది. మరి ఈ న్యూ ఫండ్ ఆఫర్ గురించి  ఫైనాన్స్, ఇన్వెస్ట్‌మెంట్స్, మ్యూచువల్ ఫండ్స్  విశ్లేషకుడు త్రివేది ఇలా చెబుతున్నారు.

టాటా బీఎస్ఈ సెలెక్స్ బిజినెస్ గ్రూప్స్ ఇండెక్స్ ఫండ్ అనేది ఒక ఓపెన్ ఎండెడ్ ఫండ్. అదర్ స్కీమ్ ఇండెక్స్ ఫండ్ కేటగిరికి చెందినది. ఈ స్కీమ్ సబ్‌స్క్రిప్షన్ నవంబర్ 25, 2024న మొదలై డిసెంబర్ 9వ తేదీన ముగుస్తుంది. ఈ పథకంలో ఇన్వెస్ట్ చేయాలనుకునేవారు కనీస పెట్టుబడిగా రూ.5 వేలు ఇన్వెస్ట్ చేయాల్సి ఉంటుంది. ఆ తర్వాత ఎంతైనా పెట్టుబటి పెట్టవచ్చు. ఇందులో ఎంట్రీ లోడ్ అనేది ఏమీ ఉండదు. అయితే అలాట్మెంట్‌ తేదీ నుంచి 15 రోజుల్లోపే తమ డబ్బులు తీసుకోవాలనుకుంటే మాత్రం 0.25 శాతం మేర ఎగ్జిట్ లోడ్ వర్తిస్తుందని గుర్తుంచుకోవాలి. ఈ ఫండ్ మేనేజర్‌గా కపిల్ మెనన్ ఉన్నారు. అలాగే ఈ స్కీమ్ బెంచ్‌మార్క్ ఇండెక్స్ బీఎస్ఈ సెలెక్ట్ బిజినెస్ గ్రూప్స్ ఇండెక్స్ టీఆర్ఐ ఉంది.

ట్రాకింగ్ ఎర్రర్‌కి లోబడి, బీఎస్ఈ సెలెక్ట్ బిజినెస్ గ్రూప్స్ ఇండెక్స్ పనితీరుకు అనుగణంగా ఖర్చులను మించి రాబడులను అందించడమే లక్ష్యంగా ఈ పథకాన్ని తీసుకొచ్చినట్లు టాటా మ్యూచువల్ ఫండ్ సంస్థ తెలిపింది. అయితే, చెప్పినట్లుగా రాబడులు వస్తాయని గ్యారెంటీ ఇవ్వలేమని తెలిపింది. ఈ స్కీమ్ హైరిటర్న్స్ కోసం ఎలాంటి హామీ ఇవ్వదని సూచించింది. బీఎస్ఈ సెలెక్ట్ బిజినెస్ గ్రూప్స్ ఇండెక్స్‌ పనితీరును అనుసరిస్తూ పాసివ్ ఇన్వెస్ట్‌మెంట్ వ్యూహాల ద్వారా లాభాలు రాబట్టడడమే ఈ స్కీమ్ లక్ష్యంగా తెలిపింది. భారత్‌లోని అదిపెద్ద బిజినెస్ గ్రూప్స్‌లోని టాప్ 30 కంపెనీల స్టాక్స్‌లో ఇన్వెస్ట్ చేయనుంది. బీఎస్ఈ 500 ఇండెక్స్ నుంచి ఫ్రీ ఫ్లోట్ మార్కెట్ క్యాపిటలైజేషన ఆధారంగా కంపెనీలను ఎంపిక చేయనున్నారు. అయితే, ఫైనాన్షియల్ సర్వీసెస్ సెక్టార్ కంపెనీలను మినహాయించినట్లు కంపెనీ తెలిపింది.